លោកជំទាវ ម៉ៅ ម៉ាល័យ ធ្វើពិធីបួងសួង ប្រោសព្រំ ប្រសិទ្ធីសុំសេចក្តីសុខ រូបសំណាក់តោ ដែលមានអាយុកាលជិតពាន់ឆ្នាំ ដែលជីកប្រទះឃើញ នៅប្រាសាទមេបុណ្យ
04-February-2020 | ដោយ ពលមនសិការ
បន្ទាយមានជ័យ៖ រូបសំណាក់តោ ដែលមានអាយុកាលជិតពាន់ឆ្នាំ ដែលជីកប្រទះឃើញត្រូវបានធ្វើពិធីបួងសួងប្រោសព្រំប្រសិទ្ធីសុំសេចក្តីសុខ និងសន្តិភាព នៅថ្ងៃទី០៤ ខែកុម្ភៈ ឆ្នាំ២០២០ នៅប្រាសាទមេបុណ្យ ស្ថិតឃុំបន្ទាយឆ្មា ស្រុកថ្មពួក។
លោក ឌៀប ឈួន អភិបាលស្រុកថ្មពួកបានប្រាប់ថា៖តោដែលមានអាយុកាលជិតពាន់ឆ្នាំ ដែលជីកប្រទះឃើញនៅបាយរាយណ៍ប្រាសាទមេបុណ្យកាលពីថ្ងៃទី០៣ ខែកុម្ភៈ ឆ្នាំ២០២០ ត្រូវបានយកម៉ាស៊ីនសន្ទូចយកឡើងលើហើយត្រូវលោកជំទាវ ម៉ៅ ម៉ាល័យ ភរិយា លោកឧបនាយករដ្ឋមន្ត្រី កែ គឹមយ៉ា ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមថ្នាក់ជាតិចុះជួយមូលដ្ឋានខេត្តបន្ទាយមានជ័យ បានធ្វើពិធីបួងសួង ប្រោសព្រំ ប្រសិទ្ធីសុំសេចក្តីសុខនិងសន្តិភាពនៅថ្ងៃទី០៤ ខែកុម្ភៈ ឆ្នាំ២០២០នេះ។
លោកបានបញ្ជាក់ថា៖នៅពេលដែលប្រទះឃើញតោទំងន់ជិត១តោននេះ គឺលោកជំទាវ ម៉ៅ ម៉ាល័យ បានសហការជាមួយក្រសួងវប្បធម៌និងវិចិត្រសីល្បៈ និងអាជ្ញាធរខេត្ត ស្រុកនិងមន្ទីជំនាញបានធ្វើបើកការដ្ឋានស្តារបារាយរណ៍ប្រាសាទមេបុណ្យកសិនទឹកជុំវិញប្រាសាទមេបុណ្យដែលគោគរាក។
លោក ឌៀប ឈួន បានបញ្ជាក់ថា៖ក្រោយពេលបើកការដ្ឋានស្តាបារាយរណ៍ចាប់ពីថ្ងៃទី០២ដល់០៣ ខែកុម្ភៈ ឆ្នាំ២០២០ បានប្រទះឃើញរូបសំណាក់តោបានយកម៉ាស៊ីនសន្ទូចយកឡើងលើឃើញតោធ្វើអំពីថ្មភក់ ដែលមានអាយុកាលជិតពាន់ឆ្នាំមានរូបរាងនៅល្អស្អាតដែលធ្វើអំពីថ្មភួកមានកំពស់១,៩០ម៉ែត្រ បណ្តោយ៨៨សង់ទីម៉ែត្រ ទទឹង៧២សង់ទីម៉ែត្រ ដែលមានទំងន់ជិត១តោន ៕
ចំនួនអ្នកទស្សនា
- ថ្ងៃនេះ4221
- ម្សិលមិញ15681
- សប្តាហ៍នេះ63061
- ខែនេះ84941
- ឆ្នាំនេះ84941
- សរុប20527397